Во Сл. весник на РСМ, бр. 46/2023 објавена е  ОДЛУКА ЗА ОПРЕДЕЛУВАЊЕ ОБВРСКА НА ТРГОВЦИТЕ ДА ПРИБАВУВААТ И ПРОДАВААТ ОПРЕДЕЛЕНИ ВИДОВИ И КОЛИЧЕСТВА НА ОДДЕЛНИ СТОКИ НА ПОТРОШУВАЧИТЕ СПОРЕД ОПРЕДЕЛЕН РЕДОСЛЕД.
Одлуката влезе во сила од 2 март 2023 година а се применува до 31 мај 2023 година.
Со оваа одлука се определува ОБВРСКА НА: 1) Трговците кои претставуваат правни и физички лица кои се регистрирани за вршење на трговска дејност во соодветен регистар согласно со закон, како и 2) трговците кои претставуваат правни и физички лица регистрирани за вршење на производство кои своите производи ги продаваат на пазарот во сопствени продавници или на други трговци на големо и мало со прехранбени производи :

• ДА ПРИБАВУВААТ И/ИЛИ ДА ПРОДАВААТ ЛЕБ-БЕЛ И ПОЛУБЕЛ (СЕЧЕН НА ПАРЧИЊА ИЛИ ЦЕЛ).

1. ОБВРСКА НА ТРГОВЦИТЕ КОИ ПРОИЗВЕДУВААТ ЛЕБ
Трговците кои претставуваат правни и физички лица регистрирани за вршење на производство кои своите производи ги продаваат на пазарот во сопствени продавници или на други трговци на големо и мало со прехранбени производи, ИМААТ ОБВРСКА:

• ДА ГО ПРОИЗВЕДУВААТ И ДА ГО СТАВААТ ВО ПРОМЕТ ЛЕБОТ-БЕЛ И ПОЛУБЕЛ (СЕЧЕН НА ПАРЧИЊА ИЛИ ЦЕЛ), ВО КОЛИЧИНА ОД НАЈМАЛКУ 80% ОД ПРОИЗВОДСТВОТО НА ЛЕБ ВО МЕСЕЦ ДЕКЕМВРИ 2022 ГОДИНА.

2. ОБВРСКА НА ТРГОВЦИТЕ ПРОДАВААТ ЛЕБ
Трговците кои претставуваат правни и физички лица кои се регистрирани за вршење на трговска дејност во соодветен регистар согласно со закон, ИМААТ ОБВРСКА:

• ВО СТРУКТУРАТА НА ДНЕВНАТА НАБАВКА НА СИТЕ ВИДОВИ ЛЕБ, ДА ПРИБАВУВААТ И ДА ПРОДАВААТ НАЈМАЛКУ 80% ОД ЛЕБОТ-БЕЛ И ПОЛУБЕЛ (СЕЧЕН НА ПАРЧИЊА ИЛИ ЦЕЛ) И
• НА ПРОИЗВОДИТЕЛОТ НА ЛЕБ/БЕЛ И ПОЛУБЕЛ (СЕЧЕН НА ПАРЧИЊА ИЛИ ЦЕЛ)/ДА МУ ПЛАТАТ, НАЈДОЦНА ВО РОК ОД 20 ДЕНА ОД ДЕНОТ НА ПРИЕМОТ НА ФАКТУРАТА ЗА ИСПОРАЧАНИОТ ЛЕБ-БЕЛ И ПОЛУБЕЛ (СЕЧЕН НА ПАРЧИЊА ИЛИ ЦЕЛ).