Во Сл. весник на РСМ, бр. 70/23 објавена е Одлука за определување на највисоките цени за одделни производи во трговијата на мало, со која се определува ОБВРСКАТА ТРГОВЦИТЕ НА МАЛО ДА ГИ УТВРДАТ НАЈВИСОКИТЕ ЦЕНИ ЗА ОДДЕЛНИ ПРОИЗВОДИ, НА НИВО НА ЦЕНИТЕ КОИ СЕ ПРИМЕНУВАЛЕ НА 20 МАРТ 2023 ГОДИНА, НАМАЛЕНИ ЗА 13%, на следниве производи:
- ТОАЛЕТНА ХАРТИЈА,
- ВЛАЖНИ МАРАМЧИЊА,
- ПЕЛЕНИ ЗА ДЕЦА И ВОЗРАСНИ (ДАЈПЕРСИ) И
- ХИГИЕНСКИ ВЛОШКИ.
Одлуката се применува ОД 30 МАРТ ДО 31 МАЈ 2023 ГОДИНА.
Во продолжение е изворниот текст на Одлуката:
ОДЛУКА ЗА ОПРЕДЕЛУВАЊЕ НА НАЈВИСОКИ ЦЕНИ ЗА ОДДЕЛНИ ПРОИЗВОДИ ВО ТРГОВИЈАТА НА МАЛО
Член 1
Со оваа одлука се определуваат највисоките цени во трговијата на мало нa следните производи:
– тоалетна хартија,
– влажни марамчиња,
– пелени за деца и возрасни (дајперси) и
– хигиенски влошки.
Највисоките цени на производите од ставот 1 на овој член се утврдуваат на нивото на цените кои се применувале на 20 март 2023 година, во трговијата на мало, кои цени се намалуваат за 13%.
Член 2
Највисоките цени на производите од членот 1 од оваа одлука ќе се применуваат до 31 мај 2023 година.
Член 3
Оваа одлука влегува во сила со денот на објавувањето во „Службен весник на Република Северна Македонија.