ВО ТРГОВИЈАТА НА МАЛО СЕ ЗАМРЗНУВААТ ЦЕНИТЕ НА НИВО НА ЦЕНИТЕ КОИ СЕ ПРИМЕНУВАЛЕ НА 15 МАРТ 2023 ГОДИ. НА СВЕЖИ ЈАЈЦА ОД КОКОШКА И ОРИЗ, ОБВРСКА ЗА ТРГОВЦИТЕ ДА НАБАВУВААТ И ПРОДАВААТ СВЕЖИ ЈАЈЦА ОД КОКОШКА ВО КОЛИЧИНИ ШТО СЕ НАБАВУВАЛЕ И ПРОДАВАЛЕ ВО ЈАНУАРИ И ФЕВРУАРИ 2023 ГОД.
ОБВРСКА ЗА ПРОИЗВОДИТЕЛИТЕ КОИ ГИ ПРОДАВААТ СВЕЖИТЕ ЈАЈЦА ОД КОКОШКА НА ПАЗАРОТ, 70% ОД ПРОИЗВОДСТВОТО ДА ГО СТАВАТ ВО ПРОМЕТ НА ДОМАШНИОТ ПАЗАР.
Во Сл.весник на РСМ, бр. 63/23 објавена е ОДЛУКА ЗА ОПРЕДЕЛУВАЊЕ НА НАЈВИСОКИ ЦЕНИ ЗА ОДДЕЛНИ ПРОИЗВОДИ ВО ТРГОВИЈАТА НА МАЛО И ОБВРСКА НА ТРГОВЦИТЕ ДА ПРИБАВУВААТ И ПРОДАВААТ ОПРЕДЕЛЕНИ ВИДОВИ И КОЛИЧЕСТВА НА ОДДЕЛНИ СТОКИ НА ПОТРОШУВАЧИТЕ СПОРЕД ОПРЕДЕЛЕН РЕДОСЛЕД. Со Одлуката, во периодот на примена од 21 март 2023 до 30 април 2023 година се пропишани следниве обврски:
- ТРГОВЦИТЕ НА МАЛО имаат обврска да ги утврдат највисоките цени за за свежи јајца од кокошка и ориз за соодветната класа по производ на нивото на цените кои се применувале на 15 март 2023 година.
- Трговците кои претставуваат правни и физички лица кои се регистрирани за вршење на трговска дејност во соодветен регистар согласно со закон, имаат обврска редовно да прибавуваат и да продаваат свежи јајца од кокошка во количини што редовно се прибавувале и продавале во јануари и февруари 2023 година.
- Трговците кои претставуваат правни и физички лица регистрирани за вршење на производство кои своите производи ги продаваат на пазарот, имаат обврска најмалку 70% од своето производство на свежи јајца од кокошка да го стават во промет на домашниот пазар.
*****
Во продолжение е изворниот текст на ОДЛУКАТА ЗА ОПРЕДЕЛУВАЊЕ НА НАЈВИСОКИ ЦЕНИ ЗА ОДДЕЛНИ ПРОИЗВОДИ ВО ТРГОВИЈАТА НА МАЛО И ОБВРСКА НА ТРГОВЦИТЕ ДА ПРИБАВУВААТ И ПРОДАВААТ ОПРЕДЕЛЕНИ ВИДОВИ И КОЛИЧЕСТВА НА ОДДЕЛНИ СТОКИ НА ПОТРОШУВАЧИТЕ СПОРЕД ОПРЕДЕЛЕН РЕДОСЛЕД
Член 1
Со оваа одлука се определуваат највисоките цени во трговијата на мало на свежи јајца од кокошка и ориз и се определува обврска на трговците кои претставуваат правни и физички лица кои се регистрирани за вршење на трговска дејност во соодветен регистар согласно со закон, како и трговците кои претставуваат правни и физички лица регистрирани за вршење на производство кои своите производи ги продаваат на пазарот, да прибавуваат и/или да продаваат свежи јајца од кокошка.
Член 2
Највисоките цени на производите од членот 1 од оваа одлука се утврдуваат на нивото на цените кои се применувале на 15 март 2023 година во трговијата на мало, за соодветната класа по производ.
Член 3
Трговците кои претставуваат правни и физички лица кои се регистрирани за вршење на трговска дејност во соодветен регистар согласно со закон, имаат обврска редовно да прибавуваат и да продаваат свежи јајца од кокошка во количини што редовно се прибавувале и продавале во јануари и февруари 2023 година.
Трговците кои претставуваат правни и физички лица регистрирани за вршење на производство кои своите производи ги продаваат на пазарот, имаат обврска најмалку 70% од своето производство на свежи јајца од кокошка да го стават во промет на домашниот пазар.
Член 4
Највисоките цени на производите од членот 2 од оваа одлука и обврските на трговците од членот 3 од оваа одлука ќе се применуваат до 30 април 2023 година.
Член 5
Оваа одлука влегува во сила со денот на објавувањето во „Службен весник на Република Северна Македонија“.