Со исплатата на платата за месец март 2026 година започнува примената на новиот износ на минимална плата. Имено, во согласност со член 4 од Законот за минимална плата во Република Северна Македонија („Сл. весник на РМ“, бр. 11/12, … и 86/25), Министерот за труд и социјална политика, по претходно мислење од Економско-социјалниот совет, ја објавува висината на минималната плата во бруто износ во „Службен весник на Република Северна Македонија“, во месец март секоја година, која ќе започне да се исплатува со исплатата на платата за месец март во тековната година.
Висината на минималната БРУТО ПЛАТА ИЗНЕСУВА 38.507 ДЕНАРИ, ОДНОСНО МИНИМАЛНАТА нето плата изнесува 26.046 денари.
НОВИОТ ИЗНОС НА МИНИМАЛНА ПЛАТА СЕ ИСПЛАТУВА СО ИСПЛАТАТА НА платата за месец март 2026 година, заклучно со исплатата на платата за месец февруари 2027 година.
МИНИМАЛНАТА ПЛАТА СЕ ОДНЕСУВА ЗА СИТЕ РАБОТНИЦИ (РАБОТНИЦИ ВРАБОТЕНИ ВО ПРИВАТНИОТ СЕКТОР, ЈАВНИОТ СЕКТОР ИЛИ КАЈ НЕПРОФИТНИТЕ СУБЈЕКТИ) .
Минимална плата е најнискиот месечен износ на основната плата која работодавачот е должен да му ја исплати на работникот за работа извршена за полно работно време.
Просечниот износ на исплатената месечна нето-плата за работник кој работи помалку од полното работно време се пресметува сразмерно со бројот на одработените часови во месецот.

ПРЕСМЕТАНИ ПРИДОНЕСИ И ДАНОК НА ЛИЧЕН ДОХОД НА МИНИМАЛНА ПЛАТА (БРУТО ИЗНОС: 38.507 ДЕНАРИ , НЕТО ИЗНОС: 26.046 ДЕНАРИ).

ПРИДОНЕС ЗА ПИО (18,8%) = 7.239
ПРИДОНЕС ЗА ЗДРАВСТВО (7,5%) = 2.888
ПРИДОНЕС ЗА ВРАБОТУВАЊЕ (1,2%) = 462
ДОПОЛНИТЕЛЕН ПРИДОНЕС ЗА ЗДРАВСТВЕНО ОСИГУРУВАЊЕ (0,5%) = 193
ВКУПНО ПРИДОНЕСИ = 10.782
ЛИЧНО ОСЛОБОДУВАЊЕ = 10.932
ДАНОК НА ДОХОД (10%) = 1.679
ВКУПНО ДАНОК И ПРИДОНЕСИ = 12.461
НЕТО ПЛАТА = 26.046